මල් වඩමේ කතාව
ඊයේ පෙරේදා ප්රවෘත්ති වලට අහන්න ලැබුණේ ඉල ඇදෙන කතාවක්, ඒ තමයි එක්සත් ජාතික පක්ෂයේ ඉහළ මන්ත්රීවරයෙක් වෙන ජෝසප් මයිකල් පෙරේරා මහත්තයා කියපු කතාව..
"පාර්ලිමේන්තුවට මල් වඩමක් ගෙනත් රනිල් වික්රමසිංහ මහත්මය ඉස්සරහින් තියපු දවසෙ ඉඳන් මේ වන විට පාර්ලිමේන්තුවෙ මන්ත්රීවරු පහක් හදිසි ප්රහාර වලින් මියගිය නිසා ඒ පිළිබඳව වහාම සොයා බැලිය යුතුයි" කියන කතාව..
දැන් බලමු අපි මේ කියන්නෙ මොකක් ගැනද කියල,
ජනවාරි පළමුවෙනිද මහේෂ්වරන් මන්ත්රීවරයා මියගියා - ඒ වෙඩිතැබීමකින්
ඉන් පසුව ද.මු. දසනායක ඇමතිවරයා - බෝම්බයකින්
ඒවගේම ශ්රීපති සූරියආරච්චි මහත්මයා - රිය අනතුරකින්
ඉන්පසු දෙමළ සන්ධානයේ තවත් මන්ත්රීවරයෙක් (නම හරියට මතක නැහැ) - මුදා නොගත් ප්රදේශයක එල්ල වුණු ප්රහාරයක්
අවසානයේ ජෙයරාජ් ප්රනාන්දුපුල්ලේ ඇමතිවරය - බෝම්බයකින්
බලාගෙන යද්දි විපක්ෂයේ සාමාජිකයින් තිදෙනයි, ආණ්ඩු පක්ෂයේ සාමාජිකයින් දෙදෙනයි, තමයි මියගිහින් තියෙන්නෙ. ඒ කියන්නෙ මල් වඩම තියපු කණ්ඩායමටත් ඒකෙ සාපය (හෝ පෙරේරා මහත්මයා කියන ආකාරයේ ඕනෑම විදියකින්) එල්ල වෙලා තියෙනව. මාර සාපයක් තමයි. මටනම් හිතන්නෙ මෙහෙම විහිළු කතා කියන එක ඒ මියගියපු මිනිස්සුන්ටත් කරන අගෞරවයක්. මොකද ඒ උදවිය මියගියේ ත්රස්තවාදී ප්රහාර වලින්. එක අතකින් මේක ත්රස්තවාදීන්ගේ ක්රියා ආණ්ඩුවට සම්බන්ධකරන්න හදන තුච්ඡ උපායක් වෙන්නත් පුළුවන්... අනුර බණ්ඩාරනායක මහත්මයාගෙ මරණයටත් මේ මල් වඩම සම්බන්ධ කර නොගත්තු එක තමයි පුදුමෙ.
මේ වගේ ප්රසිද්ධ දේශපාලකයින්, කුඩා ළමයින්වත් නොකියන ආකාරයේ බොළඳ කතා කීමෙන් වළකිනවානම් එය රටට හොඳ බව කියන්න කැමතියි..
කැටි මැරතන්
ඔහේ said...
ලංකාවේ දේශපාලකයො කියන්නෙ අපේ පිනෙන් බඩ වඩාගන්න නපුංසකයො. දුක හිතෙන්නෙ මෙවැනි නපුංසකයින්ට ඡන්දය දෙන්නන් අප අතර සිටීමයි.
April 19, 2008 12:44 PM