වෙසක් පොහෝ දින දිනූ සේක ලොව බුද්ධ දිවාකරයාණෝ

බුදු පිරිනිවනින් වසර දෙදහස් පන්සිය පනස් දෙවසක් ගත වූ අද දිනත් අපි වෙසක් උළෙල බැතියෙන් සමරන්නෙමු෴ බුදු තෙමඟුල සිදු වූ ඒ උතුම් දිනය උදෙසා ලියැවෙන වියුණු සටහනයි මේ෴

ලුම්බිණි සල් උයන මල් බරව බැබලුණා
සල් මල් සුවඳ උයනත විසිර විහිදුණා
ලොව්තුරු සුවඳ විහිදෙන කුසුම දිස්වුණා
තිලොවග රදුන් මෙදියත එදින බිහිවුණා෴

පුන් සඳ නිසා නිලඹර සොබව දිස්වුණා
පෙදෙසෙහි ගයා නිහැඬිය නොමඳ පැතිරුණා
විදසුන් තෙදින් වසවත් මරහු පැරදුණා
තිලොවග සමිඳු කෙළෙසුන් නසා බුදු වුණා෴

කුසිනාරාව නිහඬව එදා වැළපුණා
සල් මල් සමිඳු සිරුරට කෙමෙන් ගිලිහුණා
පුන් සඳ එළිය පරදන එළිය නිම වුණා
තිලොවග කුසුම පෝ දා ලොවින් පරවුණා෴