සිරි ලක් වැනුම්

කලෙකින් වියුණු සටහනක් නො තැබීමේ අඩුවත් මැකීමට, ම විසින් රසැයුණු පැදි පෙළක්෴

සසිරි	අසිරි	ඉසුරු	සපිරි	මෙ බිම	ම බිම	සිරි	ලක	යි
සුරන	විමන	සදිසි	ලකල	රුසිරු	දෙරණ	සිරි	ලක	යි
සිරිනි	නො මඳ	දියත	පතළ	ලොවට	පහන	සිරි	ලක	යි
පවතු	මෙ කප	වැජඹ	වැජඹ	මෙ ලොව	මැණික	සිරි	ලක	යි

කළු ද, කැළණි, වලවේ මහවැලි සේලය	ඉණ වට යි
සිරිපද පියුමැති සමනොල බැඳි නිල් කෙස්	මුදුනට යි
සුදු වැලි විසිරුණු වෙරළ'ස ඉසි ගෝමර	සිහි කරයි
ලොව රුසිරු ම අඟනන'තුර සුදිලි තරුව	ලක'ඟන යි

ජය සිරි මා බෝ පත් ලෙලෙනා	හඬ	හද	රාවය	යි
දළ දා හිමිගේ සුදු බුදු රැස්	ලක්	දිව	අනුහස	යි
දෙව්රම් රන්මැලි ඈ සුවිසල්	සෑ	අප	උරුමය	යි
නැවත නැවත උපදිමි මම මව්	බිම	මගෙ	සිරි ලක	යි